مدینے کے مکیں تجھ پر مری یہ زندگی قرباں | نعت شریف اردو

Naat sharif in urdu images | naat sharif lyrics urdu

0 114

مدینے کے مکیں تجھ پر مری یہ زندگی قرباں
مرا یہ دل فدا تجھ پر ہے میری جان بھی قرباں

زہے قسمت مجھے بھی لے چلو تم روضٸہِ اقدس
کہوں میں اپنے آقا سے "میں تجھ پر ہاشمی قرباں”

نبی آتے جو دنیا میں وہ کرتے آرزو تیری
مرے آقا کہ تجھ پر تھے خدا کے سب نبی قرباں

ابوبکر و عمر، عثمان و حیدر تیرے شیداٸ
ترے اک اک اشارے پر صحابہؓ تھے سبھی قرباں

مرے قلب و نظر میں ہے تیری یادوں سے شادابی
تری پرکیف یادوں پر مری ہر اک خوشی قرباں

تری مدحت میں آقا نعت جب "ہمدرد” لکھتا ہے
تو پھر اس نعت پر ہوتی ہے پوری شاعری قرباں

مدینے کے مکیں تجھ پر مری یہ زندگی قرباں
مرا یہ دل فدا تجھ پر ہے میری جان بھی قرباں

شاعری: ڈاکٹر شاکراللّٰہ ہمدرد

زمانے کو مبارک ہو کہ شاہِ مرسلیں آئے | نعت شریف

اگر آپ مزید مناجات، حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں

جواب چھوڑیں

آپ کا ای میل ایڈریس شائع نہیں کیا جائے گا.