تو بتا دے کہاں جائیں سبھی ہارے ہوئے لوگ |اداس اردو شاعری

2 25

تو بتا دے کہاں جائیں سبھی ہارے ہوئے لوگ
تیری دہلیز پہ دامان پسارے ہوئے لوگ

وسعتِ شہرِ عدم بھی ہے یہاں صحرا بھی
کس طرف جائیں ترے دل سے اتارے ہوئے لوگ

قافلہ میں نے بنایا تھا کہ میرے ہیں سبھی
مجھ پہ مشکل جو پڑی تو یہ تمھارے ہوئے لوگ

آنکھ میں اشک نہیں لب پہ ہنسی ہے پھر بھی
درد سے چُور لگیں زُلف سنوارے ہوئے لوگ

ہم اسی واسطے ہنس کر نہیں ملتے ہیں میاں
ہم نے شیرینی بکھیری بھی تو کھارے ہوئے لوگ

اُس پری زاد نے چھوڑا تو بھرم ٹوٹ گئے
ایک اک کر کے سبھی ہم سے کنارے ہوئے لوگ

ہوش آنے پہ تیرے گھر کا پتہ پوچھیں گے
تیرے دیدار کی لذت سے خمارے ہوئے لوگ

کس کے لہجے میں ترے جیسی ترواٹ ہے یہاں
کون ہے جس کی سنیں تیرے پُکارے ہوئے لوگ

دشت میں حضرتِ مجنوں سے اُلجھ بیٹھے ہیں
ترے کوچے سے مرے دوست گزارے ہوئے لوگ

اِک زمانے کو شفا دان کیا کرتے ہیں
تیری زلفوں کے ڈسے آنکھ کے تارے ہوئے لوگ

ہم کو سائے کے عوض دُھوپ ملی ہے احسن
ہم گھنے پیڑ بنے ہی تھے کہ آرے ہوئے لوگ

تو بتا دے کہاں جائیں سبھی ہارے ہوئے لوگ
تیری دہلیز پہ دامان پسارے ہوئے لوگ

شاعری: احسن اعجاز

اگر آپ مزید اداس شاعری پڑھنا چاہتے ہیں تو یہ لازمی دیکھیں 

فرصت جو میسر ہے تو اب ڈھونڈ رہا ہوں ….میں تیرےبچھڑنے کا سبب ڈھونڈ رہا ہوں

2 تبصرے
  1. najtańszy sklep کہتے ہیں

    You are really a just right webmaster. The site loading speed is incredible.
    It seems that you are doing any distinctive trick.
    Furthermore, the contents are masterwork. you have performed a wonderful activity in this topic!
    Similar here: dobry sklep and also here: Najtańszy sklep

  2. GSA Verified List کہتے ہیں

    Hey! Do you know if they make any plugins to help with
    Search Engine Optimization? I’m trying to get my blog to rank for some targeted keywords but I’m not seeing very good
    results. If you know of any please share. Thank you!
    You can read similar article here: Backlink Building

جواب چھوڑیں

آپ کا ای میل ایڈریس شائع نہیں کیا جائے گا.