درد نعمت کی طرح زخم خزانوں جیسے
اس لئے نوحے بھی گائے ہیں ترانوں جیسے
ہم جنوں والے ہنسا کرتے ہیں گھاٹے کھا کر
كفِ افسوس نہیں مَلتے سیانوں جیسے
اب جو ٹوٹے ہیں تو ذرّوں کا پتا چلتا نہیں
حوصلے پاۓ تھے لوگوں نے چٹانوں جیسے
جانے کس زعم میں آج اُس سے یہ کہہ آیا ہوں
پھر سہارے نہ ملیں گے مرے شانوں جیسے
ایک عرصہ ہوا اِس سمت کوئی آیا نہیں
دل ہیں مدت سے پڑے خالی مکانوں جیسے
اُس کے لہجے میں کئی رنگِ تغیر اور ہم
شورِ نظارہ سے بہرے ہوۓ کانوں جیسے
شعر کیوں تیر کی مانند ترا دل چیریں
جب خیالات گریں ٹوٹی کمانوں جیسے
درد نعمت کی طرح زخم خزانوں جیسے
اس لئے نوحے بھی گاۓ ہیں ترانوں جیسے
اک رويہ تھا جو ‘روا’ نہ ہوا | اداس شاعری
If you want to read more Urdu poetry love please clicck
ہم کو چاہت تھی کسی اور کی، آیا کوئی ہے | اردو شاعری محبت | Urdu Poetry Love
Urdu Poetry Sad |Urdu 2 Line Poetry |Urdu Love Poetry | urdu poetry love sad | urdu sad poetry 2 lines | sad poetry urdu | sad poetry in urdu
