text urdu poetry

بھاتی نہیں وفائیں مرے چارہ گر مجھے لگتا ہے اب تو عشق بھی شعلہ شرر مجھے جس دن شعور جھانکے گا گفتار سے مری رستے میں چھوڑ دیں گے مرے ہم سفر مجھے

میری ماں مجھ کو ہر لمحہ ستاتی ہیں تیری یادیں صبح ہو شام ہو مجھ کو رولاتی ہیں تیری یادیں بہت بے چین کرتا ہے مجھے شب بھر غمِ فرقت ذرا سی آنکھ لگنے پر جگاتی ہیں تیری یادیں

میں جب قرآن پڑھتا ہوں محمد یاد آتے ہیں حدیثِ پاک سنتا ہوں ، محمد یاد آتے ہیں مؤذن کی اذاں میں جب ، محمد  نام آتا ہے جواب اس کا میں دیتا ہوں ، محمد  یاد آتے ہیں

قدم جما کر دکھاؤں گا میں، یہ سر اٹھا کر دکھاؤں گا میں سسکتی انسانیت کے درد اور غم کو اک دن مٹاؤں گا میں نہ بھیک مانگوں گا میں کسی سے، نہ دن گزاروں گا بے بسی سے خود اپنے ہاتھوں کما کے کھاؤں گا اور سب کو کھلاؤں گا میں نہیں رکھوں گا…

اے مولا درد سارے چھین کر خوشیاں عطا کر دے میرے بے چین اس دل کو سکوں سے آشنا کر دے کرم کی بارشیں برسا میری روح کے بیاباں پر کہ دھل جائے گناہ کی دھند، روشن ہو ہر اک منظر نظر آئے تیری قدرت مجھے ہر چیز کے اندر میرے دل کے نہاں خانوں میں…

تیرا ہر خواب حقیقت ہو، یہ جنت ہے کیا؟ تجھ کو ہر لمحے میں راحت ہو، یہ جنت ہے کیا؟ تجھ سے سب پیار کا اظہار کریں دنیا میں تجھ سے ہر ایک کو الفت ہو، یہ جنت ہے کیا؟

غم چھپا کر مسکراتا ہوں سدا غمگین ہوں سب کو خوشیاں دے کے بھی میں خود رہا غمگین ہوں دردِ دل سے کس طرح تم کو کروں میں آشنا دور مجھ سے وہ ہوا؛ تھا آشنا غمگین ہوں

کیا کروں ترک ِ تعلق بھی تو حل کوئی نہیں کر تو لوں ، پھر یہی کہتا ہوں کہ چل کوئی نہیں لوگ درویش کی باتوں کا مزہ لیتے ہیں کون کرتا ہے نصیحت پہ عمل ، کوئی نہیں

تلوار لے کر آئے تھے میرے نبی اور خوشبو بن کے چھائے تھے میرے نبی تلوار کے سائے میں گزری زندگی رحمت مگر کہلائے تھے میرے نبی

ہجرت بھی ایک سنتِ خیر الانام  ہے اللہ کے لیئے جو کرے خوش مقام ہے ہجرت رسولِ پاک نے کی رب کے حکم پر صدیق ان کے ساتھ تھے ان پر سلام ہے