urdu poetry

شکیب و صبر کے پیکر بھی آزمائے گئے جہاں میں آئے پیمبر بھی آزمائے گئے گزشتہ رات فقط اک مرا چراغ نہیں نُجُوم و ماہِ مُنوّر بھی آزمائے گئے

وطن اک انوکھا دیا ہے جہاں سے کرو شکر رب کا تم اپنی زباں سے حفاظت کرو سب مرے دیس والو نہ توڑو کوئی گل تم اس گلستاں سے

اللہ کی محبت کا مزہ کیوں نہیں لیتے دنیا ہی میں جنت کا مزہ کیوں نہیں لیتے یہ نفس پرستی تمہیں برباد کرےگی اللہ کی اطاعت کا مزہ کیوں نہیں لیتے

مصطفی آئے تو ہو گئی روشنی ہر نگر روشنی ہر گلی روشنی یوں تو لائے تھے سارے نبی روشنی آپ لائے مگر آخری روشنی انکے چہرے کے انوار سے لی گئی چاند کی چاندنی شمس کی روشنی

ہاں دین نبی پاک کی تلوار عمر ہیں کفار پہ اللہ کی یلغار۔۔۔۔ عمر ہیں اسلام کے حالات پہ مشکل جو بنی ہو ہر سمت بغاوت کی جو اک لہر اٹھی ہو پھر نصرت حق دین کے انصار عمر ہیں کفار پہ اللہ کی یلغار عمر ہیں

دل میں نام عمر لب پہ نامِ عمر جانتے ہیں مسلماں مقامِ عمر اہلِ حق کے لیے نرم لہجہ رہا باطلوں کے لیے انتقامِ عمر کیسے دورِ خلافت چلاتے رہے دیکھتے ہیں جو ہم اہتمامِ عمر

تباہیوں کے شکستہ نشاں سنبھالے گئے سفینے ڈوب گئے ، بادباں سنبھالے گئے یہی سبب تھا تعلُّق کی بے ثباتی کا یقین چھوڑ کے وہم و گماں سنبھالے گئے

کچھ ایسا میں بھی لکھوں دل کے پار ہو جائے پڑھے کوئی تو اسے رب سے پیار ہو جائے خدا سے توبہ کرے اور بندگی میں لگے حیات اس کی بہت خوشگوار ہو جائے

کچھ اور سست شب ِ انہدام ہو گئی ہے گھڑی کو تیز گھمایا تھا ، جام ہو گئی ہے گزر رہی ہے تو سوچا تمھیں بتائیں کیا یہ عمر کس کی تھی اور کس کے نام ہو گئی ہے

آئی کسی کی کال ،تری یاد آ گئی اے جانِ مہ جمال، تری یاد آ گئی اک یار نے جو حسن کی تشریح کے لئے پھولوں کی دی مثال، تری یاد آ گئی