قسمت میں پھر دوبارہ رمضان آ گیا ہے | ماہ رمضان پر اردو شاعری

قسمت میں پھر دوبارہ رمضان آ گیا ہے
بخشش کا اور فلاح کا سامان آ گیا ہے
ہم بے کسوں کی خاطر انعام آ گیا ہے
رب کی پکڑ میں پھر سے شیطان آ گیا ہے

وہ مسجدوں کی رونق اذکار اور دعائیں
رحمت کی مغفرت کی پرنور سب فضائیں
شب کا قیام، رب کی وہ مہرباں ادائیں
یہ برکتوں کی گھڑیاں ہم کس لیے بھلائیں ؟

سحری کی برکتیں اور افطار کی وہ ساعت
تسبیح اور تراویح، ازکار اور تلاوت
اپنا کمال کیا ہے؟ رب کی ہے سب عنایت
دیتا ہے اپنے عاجز بندوں کو استطاعت

خوف خدا میں دامن رو رو کے بھرنے والے
اور رب کی راہ میں صدقہ ہنس ہنس کے کرنے والے
دیکھو یہ مسلماں ہیں جنت کو چلنے والے
ہر نفس کی تمنا قربان کرنے والے

کاشمیر اور فلسطیں کے نوجوان دیکھو
اہل جنوں کا تم وہ ماہ ِصیام دیکھو
کمتر تعداد کا تم برتر ایمان دیکھو
جو اہل بدر میں تھی کچھ ایسی شان دیکھو

قسمت میں پھر دوبارہ رمضان آ گیا ہے
بخشش کا اور فلاح کا سامان آ گیا ہے
ہم بے کسوں کی خاطر انعام آ گیا ہے
رب کی پکڑ میں پھر سے شیطان آ گیا ہے

شاعری : سلیم اللہ صفدر

اگر آپ مزید رمضان شاعری پڑھنا چاہتے ہیں تو یہ لازمی دیکھیں