مبارک ساعتیں لیکر ماہِ رمضان آیا ہے | Ramzan poetry in Urdu text

مبارک ساعتیں لیکر ماہِ رمضان آیا ہے
عبادت مغفرت کے موسموں کو ساتھ لایا ہے

ہر ایک انساں تلاوت اور تراویح پر کمربستہ
ہر اک سستی کو اس ماہ مبارک نے مٹایا ہے

یہ چوری جھوٹ غیبت چھوڑ کر اک پاک دل لیکر
ہر اک انسان اپنے رب کے آگے گڑگڑایا ہے

زمیں پر دیکھ کر انساں کہ جو محو عبادت ہے
فرشتوں کی مَعِیت میں مرا رب مسکرایا ہے

عجب اک نور اترا ہے ہر اک مسجد میں دیکھو تو
کسی نے چپکے چپکے اپنے خالق کو منایا ہے

یہ جسم و جان ہے اب نیکیوں کے نور سے روشن
گناہ کے داغ اترے ہیں یہ دل اب جگمگایا ہے

گناہ کی راہ سے بچ کر سکوں کی چاہ میں صفدر
ہر اک بھٹکا مسافر اپنے رب کے پاس آیا ہے

مبارک ساعتیں لیکر ماہِ رمضان آیا ہے
عبادت مغفرت کے موسموں کو ساتھ لایا ہے

شاعری : سلیم اللہ صفدر

ماہ رمضاں کی ہر شب مبارک سہی سب سے افضل مگر لیلتہ القدر ہے | لیلتہ القدر پر اردو شاعری

If you want to read more ramzan poetry in urdu text, please visit

Ramzan poetry in urdu text| ramzan poetry in urdu | ramdan poetry | ramdan poetry in urdu | Amazing Urdu poetry | Urdu poetry best | Urdu poetry Islamic |