عبادت کا مہینہ آ گیا ہے | ماہ رمضان پر اشعار | Ramzan Poetry In Urdu Text

عبادت کا مہینہ آ گیا ہے
سخاوت کا مہینہ آ گیا ہے

بڑی شدت سے جس کے منتظر تھے
ریاضت کا مہینہ آ گیا ہے

ملیں خوشخبریاں مومن کو اس میں
سعادت کا مہینہ آ گیا ہے

کسی بھی قسم کا جھگڑا نہ کرنا
شرافت کا مہینہ آ گیا ہے

کلام رب سے دل اپنا لگاؤ
تلاوت کا مہینہ آ گیا ہے

لگا لو دوستی اپنے خدا سے
ولایت کا مہینہ آ گیا ہے

اسی ماہ میں سجا تھا بدر یارو
شجاعت کا مہینہ آ گیا ہے

خدا سے لو لگا لو تم بھی اظہر
محبت کا مہینہ آ گیا ہے

عبادت کا مہینہ آ گیا ہے
سخاوت کا مہینہ آ گیا ہے

شاعری: ڈاکٹر محمد اظہر خالد

مسکرا دیجیے آپ رمضان میں
نیکیاں کیجیے آپ رمضان میں

بے وفا کیوں بنے رب تعالی سے ہو؟
اب وفا کیجیے آپ رمضان میں

سب غریبوں کی ہر جا مدد کیجیے
یوں دعا لیجیے آپ رمضان میں

مت لڑائی کرو گھونٹ اب قیمتی
صبر کے پیجیے آپ رمضان میں

صاف دل بھی کرو اور ہوں گر گلے
سب بھلا دیجیے آپ رمضان میں

ساری امت ہدایت سے سرشار ہو
یہ دعا کیجیے آپ رمضان میں

ہر جگہ تم بھی اظہر بھلائی کے بیج
اب فقط بیجیے آپ رمضان میں

شاعری: ڈاکٹر محمد اظہر خالد

مبارک ساعتیں لیکر ماہِ رمضان آیا ہے | Ramzan Poetry In Urdu Text

If you want to read more ramzan poetry in urdu text, please visit

Ramzan poetry in urdu text| ramzan poetry in urdu | ramdan poetry | ramdan poetry in urdu | Amazing Urdu poetry | Urdu poetry best | Urdu poetry Islamic |