محبت کا اک آسماں میری ماں

ماں کی شان میں کلام

5 1,212
محبت کا اک آسماں میری ماں
مری جنتوں کا نشاں میری ماں
وہ ریشم سا لہجہ وہ میٹھی زباں
وہ چاہت کا اک جذبہ ِبیکراں
میرا درد جس کی نظر میں سدا
مجسم رہا صورت ِزخم ِجاں
مگر اپنی تکلیف کے واسطے
کبھی نہ ہوئے اس کے آنسو رواں
میرے واسطے موم ہے مامتا

صبر کی ہے لیکن چٹاں میری ماں

محبت کا اک آسماں میری ماں
مری ذات کے گنبدوں میں رہی۔۔۔
ہمیشہ ہی مثل ِاذاں میری ماں
مری ہر خطا پر تھا اک درگزر
وہ تلقین اور حوصلہ سربسر
ہر اک میری ٹھوکر پہ میرے لیے
سہارا تھی ان انگلیوں کی پکڑ
یہ دنیا کی تپتی ہوئی ریت پر
میں بھٹکا مسافر وہ تنہا شجر
میں تاریک راہ پر چلا تو لگا
دعاؤں کی ہے کہکشاں میری ماں

 

میری عظمتوں کی وہ معمار ہے
قوی جسم اور سوچ بیدار ہے
مری نصرتوں کی جو رفتار ہے
اسی کی محبت کا اظہار ہے
ہر اک خشک موسم کا دیکھو ذرا
ہر اک وار اب کیسے بیکار ہے
کبھی بھی وہ میرے گلستان پر
نہ آنے دے رنگ ِ خزاں میری ماں

 

وہ جس نے مجھے سبق اول دیا
اور معبود ِبر حق سے واقف کیا
وہ دین ِمحمد کا اک اک سبق
مجھے کتنی چاہت سے اس نے دیا
ہمیشہ کی قربت کی خواہش لیے
مجھے جس نے خود سے جدا بھی کیا
مری ذات کے گنبدوں میں رہی
ہمیشہ ہی مثل ِاذاں میری ماں

 

مجھے روشنی کا سبق جب دیا
اندھیروں میں پھر نہ بھٹکنے دیا
زمانے کی تپتی ہر اک دھوپ سے
کیا مجھ کو واقف نہ جلنے دیا
مجھے دوڑنا اس نے سکھلا دیا
ہر اک چوٹ پر حوصلہ بھی دیا
میری زندگی کی ہر اک راہ پر
ہر اک موڑ پر ضوفشاں میری ماں

 

محبت کا اک آسماں میری ماں
مری جنتوں کا نشاں میری ماں

 

شاعری سلیم اللہ صفدر

 

اگر آپ مزید ماں کی شان میں کلام پڑھنا چاہتے ہیں تو یہ لازمی دیکھیں

 

 

 

5 تبصرے
  1. […] آپ  ماں کی شان میں کلام یا بیٹی کی عظمت پر شاعری پڑھنا چاہیں تو یہ لازمی […]

  2. […] آپ  ماں کی شان میں کلام یا بیٹی کی عظمت پر شاعری پڑھنا چاہیں تو یہ لازمی […]

  3. ecommerce کہتے ہیں

    You are really a just right webmaster. The web site loading speed
    is incredible. It kind of feels that you are doing any
    unique trick. Moreover, the contents are masterpiece.
    you’ve performed a magnificent activity in this topic! Similar here: najlepszy
    sklep and also here: Najlepszy sklep

  4. hitman.agency کہتے ہیں

    Hey there! Do you know if they make any plugins to help with SEO?
    I’m trying to get my blog to rank for some targeted keywords
    but I’m not seeing very good gains. If you know
    of any please share. Kudos! I saw similar art here: Backlinks List

جواب چھوڑیں

آپ کا ای میل ایڈریس شائع نہیں کیا جائے گا.