میری پہچان پاکستان | پاکستان پر اشعار

میری پہچان پاکستان
وطن ذیشان پاکستان

ہر اک کو جان پیاری ہے
ہے سب کی جان پاکستان

مری ملت کا سرمایہ
بنا ہر سر پر اک سایہ
سبق جو تھا اخوت کا
ہر اک نے پھر سے دوہرایا
جو گھر کو چھوڑ آئے تھے
انہوں نے پھر سے گھر پایا
تبھی دنیا میں پاکستاں
مدینہ ثانی کہلایا

کہ تپتے صحرا میں ہے ایک
سائبان پاکستان
وطن ذیشان پاکستان
پاکستان پاکستان

ترقی کا رستہ سارا
میرے رب نے ہے سنوارا
زمیں سونا اگلتی ہے
فلک رحمت کا اک دھارا
اثاثہ ہے اسلاف کا یہ
ہے ہم کو جان سے پیارا
لہو میرے شہیدوں کا
مرے ہر غاذی کا نعرہ

مقدر ہے اپنا یہ
تحفہِ رحمان پاکستان
وطن ذیشان پاکستان
پاکستان پاکستان

یہ عکس کلمہ طیبہ ہے
محافظ اک امت کا ہے
امید ِملت ِمسلم ہے
ہر اک مظلوم کا نعرہ ہے
ملامت اپنوں کی اس پر
وہ غیروں کا بھی طعنہ ہے
ہر اک طوفان سے لیکن
یہ فاتح بن کر ابھرا ہے

ہر اک شب کی ہے یہ اک
صبح عالیشان پاکستان
وطن ذیشان پاکستان
پاکستان پاکستان

یہ تن من دھن یہ مال و جاں
وطن پہ کر دیں سب قرباں
وہ بحر و بر کے رکھوالے
فضاؤں کے وہ نگہباں
ہے تقوی زاد راہ ان کا
دلوں میں طاقت ایماں
کہ اک شوق شہادت سے
مزین فوج پاکستان

ہم اس کے پاسباں
اپنا ہے دلبرجان پاکستان
وطن ذیشان پاکستان
پاکستان پاکستان

میری پہچان پاکستان
وطن ذیشان پاکستان

ہر اک کو جان پیاری ہے
ہے سب کی جان پاکستان

شاعری :سلیم اللہ صفدر

اگر آپ مزید پاکستان پر شاعری پڑھنا چاہتے ہیں تو یہ لازمی دیکھیں