کردار بہتریں ہے گفتار بہتریں ہے| نعت شریف

کردار بہتریں ہے گفتار بہتریں ہے
آقائے دو جہاں کا رخسار بہتریں ہے

ہیں سب نبی نرالے اعلی مقام والے
لیکن وہ انبیاء کا سردار بہتریں ہے

صدیق ہو، عمرہو، عثماں ہو کہ حیدر
یارو! میرے نبی کا ہر یار بہتریں ہے

خوشبو سے ہے معطر، گزرے جہاں سے آقا
وہ راہ بہتریں ہے وہ غار بہتریں ہے

حسرت بھری نگاہیں ، دیدار کا ہو منظر
تاروں میں اس قمر کا دربار بہتریں ہے

سجاد حبِِ احمد کا ہر مریض اعلٰی
واللّٰہ ان کا ہر اک بیمار بہتریں ہے

کردار بہتریں ہے گفتار بہتریں ہے
آقائے دو جہاں کا رخسار بہتریں ہے

شاعری: حافظ سجاد احمد

اگر آپ مزید حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں