فرصت جو میسر ہے تو اب ڈھونڈ رہا ہوں | اداس اردو شاعری
best urdu poetry sad | urdu poetry sad 2 lines
فرصت جو میسر ہے تو اب ڈھونڈ رہا ہوں
میں تیرےبچھڑنے کا سبب ڈھونڈ رہا ہوں
جب سے ہے سنا نسل کی تاثیر کا قصہ
اک شخص کا میں شجرہ نسب ڈھونڈ رہا ہوں
اس آنکھ میں کچھ درد کئی خواب پڑے ہیں
اس بھیڑ میں اک نقش_طرب ڈھونڈ رہا ہوں
اک شخص بھی مل جاۓ تو کافی ہے مُجھے دوست
ویسے تو میں بچھڑے ہوۓ سب ڈھونڈ رہا ہوں
وحشت کا تقاضہ ہے سو ناراض نہ ہونا
میں جسم کوئی بہر_طلب ڈھونڈ رہا ہوں
ٹکڑوں میں بٹی ہے تری تصویر زمیں پر
اور میں کہیں ان میں پڑے لب ڈھونڈ رہا ہوں
ممکن ہے کہ مل جائے کوئی دُر زُغال سے
تجھ گفتگو میں رنگ_ادب ڈھونڈ رہا ہوں
وہ حال_غریبی ہے کہ احباب بھی گُم ہیں
اور ایسے میں اعجاز میں رب ڈھونڈ رہا ہوں
فرصت جو میسر ہے تو اب ڈھونڈ رہا ہوں
میں تیرےبچھڑنے کا سبب ڈھونڈ رہا ہوں
جب سے ہے سنا نسل کی تاثیر کا قصہ
اک شخص کا میں شجرہ نسب ڈھونڈ رہا ہوں
