sad poetry urdu sms

آشنائی کا اثاثہ بھی بہت ہوتا ہے بھیڑ میں ایک شناسا بھی بہت ہوتا ہے تم کو تفصیل میں جانے کی ضرورت ہی نہیں دکھ بڑا ہو تو خلاصہ بھی بہت ہوتا ہے ہم بھی کیا لوگ ہیں سب جھولیاں بھر لاتے ہیں بے یقینی کا تو ماسہ بھی بہت ہوتا ہے شکریہ…

تباہیوں کے شکستہ نشاں سنبھالے گئے سفینے ڈوب گئے ، بادباں سنبھالے گئے یہی سبب تھا تعلُّق کی بے ثباتی کا یقین چھوڑ کے وہم و گماں سنبھالے گئے

اب دِکھاتا نہیں وہ ایسی کرامات مجھے اور عطا کرتا نہیں شرفِ ملاقات مجھے میرے دل سے نہیں جاتے نہ کبھی جائیں گے مار ڈالیں گے جدائی کے یہ اثرات مجھے

ہم اپنے گھر کا رستہ بھول کر صحرا میں آ نکلے بجھانے پیاس اپنی ریت کے دریا میں آنکلے کبھی چہرے بھی دیتے ہیں کھلا دھوکا نگاہوں کو تلاش دوستاں تھی ہم صف اعدا میں آنکلے

لبوں پر دشمنی کے تذکرے اچھے نہیں لگتے سماعت کو یہ کڑوے ذائقے اچھے نہیں لگتے مری آنکھوں میں ایسے جھلملاتے ہی رہیں آنسو چراغوں سے یہ خالی طاقچے اچھے نہیں لگتے

ہر طرف ہے وبال وحشت کا دشت ہے ہم خیال وحشت کا ایک سا ڈر ہے روح و منظر میں دیکھیے اعتدال وحشت کا تیری رفتار تیز تر ہوگی دل سے کانٹا نکال وحشت کا

موسم کے التفات کو ہیجاں سمجھ لیا بادِ سحر کو موجہء طوفاں سمجھ لیا تم سے بچھڑ کے عمر کے ہر موڑ پر مجھے کچھ فائدہ ہُوا بھی تو نقصاں سمجھ لیا

جب رویوں میں بدلاؤ آ نے لگا لمحہ لمحہ ہمیں خوں رُلانے لگا پھیر کر چل دیا روخ وہ اوروں کے سنگ دعوۂِ عشق جو تھا ٹِھکانے لگا میری حالت پہ سب رو رہے تھے مگر.! اک وہی شخص تھا مسکرانے لگا..!

کیا پوچھتے ہو ،زیست میں کیا تجربہ رہا ؟ وہ دوڑ ہی نہیں تھی جو میں دوڑتا رہا وہ لفظ کیا تھے ،کس نے کہے تھے، خبر نہیں بس اِتنا یاد ہے کہ مرا دل دُکھا رہا

خط کئی لکھے مگر اک بھی نہ اِرسال کیا میں نے یہ کام کئی ماہ، کئی سال کیا اور بھی کام تھے، پر میں نے محبت کو چُنا ہاں! ضروری یہ لگا، بس یہی فِی الحال کیا