بے کسوں کو بےسبب بےموت مرتا دیکھنا | اداس اردو شاعری
Urdu Poetry sad 2 lines
بے کسوں کو بےسبب بےموت مرتا دیکھنا
یاد ہے تندور میں پھولوں کو جلتا دیکھنا
میں چلاجاؤں گا جب دنیا تمہاری چھوڑ کر
پھر نہ لوٹونگا کبھی تم خوب رستہ دیکھنا
پتلیوں میں آبلے پڑجائیں گے نادان صبح
شب کی آنکھوں سےکبھی تیزاب بہتا دیکھنا
غم زدوں کے شہر میں جاکر کبھی مغرور دل
وصل کے موسم میں ابرِ غم برستا دیکھنا
خواب کی کیا حیثیت ہےخواب آخر خواب ہے
ٹوٹنے کی دیر ہے از خود بکھرتا دیکھنا
کچھ معمےخود ہی حل ہوجائیں گےطاہر سعود
خون میں لت پت ہوئے سورج کو ڈھلتا دیکھنا
بے کسوں کو بےسبب بےموت مرتا دیکھنا
یاد ہے تندور میں پھولوں کو جلتا دیکھنا
