بول ہو کوئی زباں پر تو سدا تیرے لۓ
چپ رہے گر یہ زباں تو یاخدا تیرے لۓ
مقصدِ ہستی مرا ہو تیری طاعت یاالٰہ
لب پہ ذکرِ پاک ہو صبح و مسا تیرے لۓ
ہے فقط تجھ پر مرا ایمان بھی ایقان بھی
قلب میں کوٸ نہیں تیرے سوا، تیرے لۓ
آسماں در آسماں ہیں تیری رفعت کے نشاں
ابتدا تیرے لۓ ہے انتہا تیرے لۓ
ذات تیری ماورا ہے میری سوچ و فکر سے
قادرِ مطلق ہے تو ارض وسما تیرے لۓ
دستِ قدرت میں تیرے ہیں زندگی بھی موت بھی
پھول،کلیاں، شاخ، پتے اور ضیا تیرے لۓ
جب ترا سایہ ہو سر پر پھر مجھے کچھ غم نہیں
ہو اگر ہمدرد سے عالم خفا تیرے لۓ
بول ہو کوئی زباں پر تو سدا تیرے لۓ
چپ رہے گر یہ زباں تو یاخدا تیرے لۓ
اگر آپ مزید مناجات، حمدیہ اشعار، نعت شریف یا شان صحابہ پر کلام پڑھنا چاہتے ہیں تو یہ لازمی دیکھیں
Hamd Poetry In Urdu 2 Lines | urdu poetry islamic | Urdu poetry best | Urdu poetry about Islam | Urdu poetry
