سیاہ زلفیں حسین آنکھیں مرے نبی کا جمال دیکھو | نعت شریف

سیاہ زلفیں حسین آنکھیں مرے نبی کا جمال دیکھو
خدا سے ملتے ہیں لامکاں پر جہان والو کمال دیکھو

ہے کون جلوہ نما عرب میں کہ سارا عالم ہے جگمگایا
زمیں منور، فضا معطر، ہے بت کدوں پر زوال دیکھو

جو آسماں پر نظر اٹھا کر نبی نے دیکھا، کیا اشارہ
تو شق ہوا پھر قمر فلک پر، یہ معجزے کی مثال دیکھو

ارے مسلمان!! غفلتوں میں ہم ان کو بھولے ہوۓ ہیں کیونکر؟؟
ہماری بخشش کا وہ کریں گے خدا کے آگے سوال دیکھو

نسیم سحری!! مدینہ جاکر مرے نبی کو پیام دینا
نہیں ہے خوفِ خدا کسی کو ہے ایسا امت کا حال دیکھو

یہ خواب دیکھا تھا ایک دن میں حضور اقدسﷺ کے سامنے تھا
وہاں میں ہمدرد کہہ رہا تھا کہ اب نہیں کچھ ملال دیکھو