بتاؤں کس طرح تم کو کہ کیا کیا خوبصورت ہے| نعت رسول مقبول| written naat

naats lyrics in urdu | naat poetry in urdu two lines | naat lyrics in urdu writing

0 7

بتاؤں کس طرح تم کو کہ کیا کیا خوبصورت ہے

محمد مصطفےٰ کا سارا حُلیہ خوبصورت ہے

 

وہ جن کے حُسن کی کھائی ہیں قسمیں حق تعالیٰ نے

وہ زلفیں خوبصورت ہیں وہ چہرہ خوبصورت ہے

 

جسے صَدْرَکْ جسے وَجْھَکْ کہا قرآن میں رب نے

وہ سینہ خوبصورت ہے وہ چہرہ خوبصورت ہے

 

مکین خُلد سے کہہ دو تمہاری حُسن صورت سے

رسول اللّٰہ کے پاؤں کا تلوا خوبصورت ہے

 

رسول اللّٰہ جس میں آج بھی آرام فرما ہیں

زمانے بھر کے مَحْلَوں سے وہ روضہ خوبصورت ہے

 

اگر چاہو قسم لے لو زمانے بھر کے شہروں سے

وہ مکہ خوبصورت ہے وہ طیبہ خوبصورت ہے

 

مدینے کے میں کس کس راستے کا حُسن بتلاؤں

مدینے پاک کا ہر ایک رستہ خوبصورت ہے

 

وہاں شام و سحر ہوتی ہے انوارات کی بارش

وہاں کا غنچہ غنچہ , پتَّہ پتَّہ خوبصورت ہے

 

وہ آقا ہیں ہمارے اور ہم سارے غلام اُن کے

شہِ کونین سے اپنا یہ رشتہ خوبصورت ہے

 

رسول اللّٰہ کے نعلین کو بوسے دیے جس نے

سرِ افلاک وہ عرشِ معلّٰی خوبصورت ہے

 

بیاں کیا کیا کروں صفدر خلاصہ مختصر سُن لو

مدینے شہر کا ہر ایک ذرَّہ خوبصورت ہے

 

بتاؤں کس طرح تم کو کہ کیا کیا خوبصورت ہے

محمد مصطفےٰ کا سارا حُلیہ خوبصورت ہے

شاعری: محمد صفدر سیاف

مرے آقا کے جو نقشِ کفِ پا دیکھ لیتے ہیں | نعت شریف

جواب چھوڑیں

آپ کا ای میل ایڈریس شائع نہیں کیا جائے گا.