naat poetry 2 lines

آقا  کی محبت میں ، دل میرا دھڑکتا ہے دیدار محمد  کو ، دل میرا تڑپتا ہے سینے میں مرا دل بھی ، ہر وقت مرے اللّٰہ دیدار مدینہ کی ، حسرت میں مچلتا ہے

کس بشر پہ مخفی ہے برتری مدینے کی سارے جگ میں پھیلی ہے روشنی مدینے کی سوچ کیا رہے ہو تم کس لیے رکے ہو تم خلد کو نکلتی ہے ہر گلی مدینے کی

مصطفی آئے تو ہو گئی روشنی ہر نگر روشنی ہر گلی روشنی یوں تو لائے تھے سارے نبی روشنی آپ لائے مگر آخری روشنی انکے چہرے کے انوار سے لی گئی چاند کی چاندنی شمس کی روشنی

کرنی ہے گر تجھے تو پیمبر کی بات کر دونوں جہاں کے سید و سرور کی بات کر پڑ جائیں ماند شمس و قمر جس کے سامنے خیر الانام کے رخ انور کی بات کر

ہر اک افق پر ضیائے رحمت کے رنگ چھائے، نبی جب آئے ہزاروں آنکھوں میں خوابِ امید جگمگائے نبی جب آئے وہ روم و ایران کو پچھاڑا، غرورِ اہل یہود توڑا حنین احزاب اور بدر کے میداں سجائے نبی جب آئے

حوض کوثر پہ حال کیا ہو گا جب نبی جی  سے سامنا ہو گا پہنچ پائے گا امتی وہ ہی ان  کی سیرت پہ جو چلا ہو گا

نعت نبی سے دل کو ہیں سرشار کر گئے رب کے کرم سے پیارا یہ ہم کار کر گئے جگ میں نئے نبی کی ضرورت نہیں رہی نبیوں کا آنا ختم تو سرکار  کر گئے

ہے مدینے کا سماں چاروں طرف نور کی ہے کہکشاں چاروں طرف بوسہ ء گنبد کو یہ بے تاب ہے جھک رہا ہے آسماں چاروں طرف یاد آئے پھر بہت حبشی بلال گونجی مسجد جب اذاں چاروں طرف

سرور دیتی ہے جاں کو گھٹا مدینے کی رُکی نہیں ہے کبھی بھی ہوا مدینے کی تمام عمر جہاں سے خفا رہا ہوں میں تمام عمر ہے مانگی دُعا مدینے کی

خار ہو کر بھی پھول ہو جائے جو غلامِ رسول  ہو جائے بعدِ مولیٰ مقام ہے ان  کا کچھ نہ لکھنے میں بھول ہو جائے ورد کرنا درود کثرت سے زندگی کا اصول ہو جائے