زمین و آسماں واللّٰہ منور ہو گئے سارے

جو ذرے پاؤں میں آئے وہ اختر ہو گئے سارے

سوالی بن کے آۓ تھے جو دربارِ رسالت میں

درِ سرکار پر آ کے سکندر ہو گئے سارے

محمد کی نگاہوں کا یہ سارا فیض ہی تو ہے

جو آۓ اُن کی نظروں میں قلندر ہو گئے سارے

مرا دعویٰ ہے جن کو بھی مرے مدنی نے چوما ہے

وہ پتھر ہوں کہ انساں ہوں وہ گوہر ہو گئے سارے

مقام و مرتبہ اِس دین کا کیا ہے خدا جانے

فدا اِس دین کی خاطر پیمبر ہو گئے سارے

وہ جن رستوں سے گزرے ہیں محمد مصطفےٰ صفدر

وہ رستے اُن کے قدموں سے معطر ہو گئے سارے

زمین و آسماں واللّٰہ منور ہو گئے سارے

جو ذرے پاؤں میں آۓ وہ اختر ہو گئے سارے

زمین و آسماں واللّٰہ منور ہو گئے سارے | نعت شریف اردو | naat poetry 2 lines