اس کا اک اذن ملے میرا گلا کھُل جاۓ | اداس اردو شاعری | urdu poetry love sad

اس کا اک اذن ملے میرا گلا کھُل جاۓ
کھُل جا سِم سِم وہ کہے اور صدا کھُل جاۓ

ہم سے ملنے میں نہ اتنی بھی خرد مندی دکھا
راز اتنا بھی نہ دنیا سے چھپا کھُل جاۓ

پھر محبت کی حقیقت کو جہاں سمجھے گا
سب کی آنکھوں پہ کسی روز خدا کھُل جاۓ

اک گھڑی اور نہ ہاتھوں کو گرا ممکن ہے
دستک_آہ سے وہ باب عطا کھُل جاۓ

آنکھ بینائی سے محروم ہوئی جاتی ہو
اور ایسے میں ترا بند قبا کھُل جاۓ

دوست آنکھیں تو ملا ، میری طبیعت سنبھلے
اپنے گیسو تو جھٹک تا کہ فضا کھُل جاۓ

اس کے سانسوں کی تپش، لمس کی خوشبو توبہ
جیسے اک دم سے گلابوں کی ردا کھُل جاۓ

میں اسی واسطے کچھ اس سے کھُلا تھا احسن
کہ مرے ساتھ وہ کم گو بھی ذرا کھُل جاۓ

اس کا اک اذن ملے میرا گلا کھُل جاۓ
کھُل جا سِم سِم وہ کہے اور صدا کھُل جاۓ

شاعری: احسن اعجاز

اگر آپ محبت پر مزید اردو شاعری پڑھنا چاہتے ہین تو یہ لازمی دیکھیں

رات میں دن کا جنم روز میں شب ممکن ہے|اردو شاعری

If you want to read urdu poetry sad, please visit

urdu poetry sad| urdu poetry love| amazing urdu poetry| best urdu poetry in text| 2 line urdu poetry| urdu poetry 2 lines| urdu poetry love sad |