اردو شاعرینعمان شفیق

کارِ وحشت پہ خاک ڈالو میاں  اس اذیت کا حل نکالو میاں | غمزدہ اردو شاعری

کارِ وحشت پہ خاک ڈالو میاں  اس اذیت کا حل نکالو میاں | غمزدہ اردو شاعری

کارِ وحشت پہ خاک ڈالو میاں
اس اذیت کا حل نکالو میاں !

دل لگانے چلے ہو بے دل سے
اس سے اچھا ہے زہر کھا لو میاں !

تم کو لگتی تھی زندگی آسان
اتنی آساں ہے تو سنبھالو میاں !

ویسے بنتی ہیں لعنتیں لیکن
گا لو، تم بھی ترانے گا لو میاں !

اب نہیں ہے تو اس کو جانے دو
تم کہیں اور دل لگا لو میاں !

ہجر تو آنکھیں لال کرتا ہے
خیر کہہ کر نا اسکو ٹالو میاں !

میں سمجھتا ہوں تم سمجھتے ہو
مجھ کو اس وہم سے نکالو میاں !

کارِ وحشت پہ خاک ڈالو میاں
اس اذیت کا حل نکالو میاں !

شاعری: نعمان شفیق

اگر آپ مزید ادس شاعری پڑھنا چاہتے ہیں تو یہ لازمی دیکھیں

یوں محبت سے مجھے میرا جنوں دیکھتا ہے

Shares:
9 Comments
Leave a Reply

Your email address will not be published. Required fields are marked *