اب حرم کو جا رہے ہیں حاجیوں کے قافلے| حج اشعار

اب حرم کو جا رہے ہیں حاجیوں کے قافلے
یہ نظر کو بھا رہے ہیں حاجیوں کے قافلے

یہ خدا کے بن کے مہماں سب حرم کو چل پڑے
رتبہ اونچا پا رہے ہیں حاجیوں کے قافلے

مکہ والو طیبہ والو خوش نصیبی آپ کی
پھر سے دیکھو آ رہے ہیں حاجیوں کے قافلے

مسکراتے بھی ہیں حاجی ساتھ میں روتے بھی ہیں
رب کی الفت لا رہے ہیں حاجیوں کے قافلے

چھوڑ کر دنیا کو سب لبیک کہتے آ رہے
نغمہ پیارا گا رہے ہیں حاجیوں کے قافلے

پی کے زمزم رب سے مانگیں حاجی رو رو کر دعا
اور کھجوریں کھا رہے ہیں حاجیوں کے قافلے

اے خدا اظہر بھی ہو احرام باندھے گھر تیرے
میرا دل تڑپا رہے ہیں حاجیوں کے قافلے

اب حرم کو جا رہے ہیں حاجیوں کے قافلے
یہ نظر کو بھا رہے ہیں حاجیوں کے قافلے

شاعری: ڈاکٹر محمد اظہر خالد

اگر آپ مزید مناجات، حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں