عجب دل کی تمنا ہے کہ دنیا سے چلا جاؤں

میرے مولا عطا کر دے مجھے تسکین کی چھاؤں
عجب دل کی تمنا ہے کہ دنیا سے چلا جاؤں

حرص دولت کی شہرت کی نہ دل میں حبِ دنیا ہے
خلوص دل ہی اے مولا فقط میری تمنا ہے
مگر مولا بتا مجھ کو اسے میں کس طرح پاؤں

ملامت ہو کسی کی، نہ گناہ کی ہو چھبھن کوئی
جو رب کی یاد دل میں ہو نہ رستہ ہو کٹھن کوئی
سکون قلب حاصل ہو کسی غم سے نہ ٹکراؤں

یہ دنیا عشرت و آرام کا جھوٹا لبادہ ہے
فقط جنت حقیقت ہے یہ میرے رب کا وعدہ ہے
اسی جنت کی خاطر اپنی جاں قربان کر جاؤں

میری مصروف دنیا میں مجھے کچھ وقتِ فرصت دے
کہ جسم ناتواں کو پھر سے اے مولا وہ قوت دے
تیری تسبیح، تلاوت اور تیرے ازکار کر پاؤں

سکون بھی چھن چکا دل کو نہیں ہے اطمناں کوئی
نہیں تیرے علاوہ اور اپنا رازداں کوئی
اے مولا درد اپنا اور آخر کس کو بتلاؤں

میرے مولا عطا کر دے مجھے تسکین کی چھاؤں
عجب دل کی تمنا ہے کہ دنیا سے چلا جاؤں

شاعری :سلیم اللہ صفدر

اگر آپ مناجات کے ساتھ ساتھ مزید اداس شاعری سننا چاہتے ہیں تو یہ لازمی دیکھیں