اگرچہ ہوں تو سہی پاش پاش میں درویش
عجب ہے دکھتا نہیں بود و باش میں درویش
ذرا دماغ میں، دل میں، خیال میں ہی سہی
خدایا آ کہ ہوں تیری تلاش میں درویش
یہ میری عظمتِ ایمان ہے بنا کے صنم
خدا بتاتا نہیں بت تراش، میں درویش
ترا جمال ہے دولت تری، پری ہے تُو
مرا اثاثہ غمِ دل خراش، میں درویش
اے شیخِ مکتب و مے خانہ اپنا جوڑ ہے کیا
تو اس جہان کا اک خوش معاش، میں درویش
نہ پوچھیے کہ الگ ہو کے کیا بنا میرا
اٹھائے پھرتا ہوں یادوں کی لاش میں درویش
غزل تو نام ہے بس نام دینے کو آدر
کیا کیے ہوں فقط راز فاش میں درویش
اگرچہ ہوں تو سہی پاش پاش میں درویش
عجب ہے دکھتا نہیں بود و باش میں درویش
شدتِ کرب سے دوچار ہیں تازہ تازہ | اردو شاعری
If you want to read more sad poetry in Urdu please check
sad poetry urdu | sad poetry sms in urdu | |sad poetry urdu | urdu poetry sad 2 lines | sad poetry in urdu | alone sad poetry in urdu 2 lines
