نبی آخر، عظیم و برتر رفیقِ انور، جلیل رہبر | نعت رسول مقبول | naat poetry in urdu
naat poetry in urdu text | best naat poetry in urdu | new naat written in urdu
نبی آخر، عظیم و برتر
رفیقِ انور، جلیل رہبر
شفیع محشر، وہ جام کوثر
روح ِمعطر، رخِ ِمنور
وہی مبشر، وہی مدثر
جہاں کے سرور، میرے پیغمبر
ہیں ان پہ ظاہر عدو کے تیور
وہ نبضِِ حالات کے مدبر
کفر پہ قاہر، وفا کے پیکر
وہ رب کے شیروں کے روحِِ لشکر
شکستِ کسریٰ، زوال قیصر
وہ میرے پیماں ، وہ میرے فرقاں
حبیب یزداں، رفیق انساں
وہ ابر باراں، گہر بدخشاں
دلیلِ تاباں ، فصیل ارماں
صبح درخشاں، ماہ فروزاں
سامانِ تسکینِ روحِ ایماں
جمالِِ تصویر کوہِ فاراں
یہ مال و زر ہے انہی کا ساماں
یہ باپ اور ماں انہی پہ قرباں
نبی آخر، عظیم و برتر
رفیقِ انور، جلیل رہبر
شفیع محشر، وہ جام کوثر
روح ِمعطر، رخِ ِمنور
وہ اہل طائف کی ایک نفرت
مگر نبی کی دعائے رحمت
وہ اہل مکہ کی ہر اذیت
سنگ ملامت، رخِ عداوت
میرے نبی کی کمال حکمت
سنایا پیغامِ سفرِِ ہجرت
ابوبکر کی حسیں رفاقت
وہ اہل انصار کی اخوت
عجب محبت عجب عقیدت
وہ میرے آقا، وہ میرے ملجا
وہی ضحی اور وہی ہیں طہ
وہ فاتح مکہ، شاہ مدینہ (رئیس مکہ)
صبر کا چہرہ ، شکر کا دریا
وصال جن کا دلی تمنا
فراق جن کا طویل رستہ
وہ رات زلفیں وہ چاند چہرہ
ہیں لفظ خوشبو، مٹھاس لہجہ
ہزار غم پر بھی مسکرانا
لبوں پہ اپنے دعا سجانا
ہزار لالچ کا راہ میں آنا
مگر نہ امت کو بھول پانا
نبی آخر، عظیم و برتر
رفیقِ انور، جلیل رہبر
شفیع محشر، وہ جام کوثر
روح ِمعطر، رخِ ِمنور
شاعری :سلیم اللہ صفدر
رحمت ِ دو جہاں تاجدارِ حرم خاتم الانبیا میرے شاہِ امم | نعت شریف
یقیں ختم نبوت کا ، ایماں ہے رب کی وحدت کا | ختم نبوت پر اشعار
naat written | naat written in urdu | naat poetry in urdu text | best naat poetry in urdu | new naat written in urdu | khatam e nabuwat poetry in urdu
