یکسانیت سے تنگ ہیں تنہائی کی طرح | اردو غزل |sad ghazal in urdu

یکسانیت سے تنگ ہیں تنہائی کی طرح
دنیا میں جی رہے ہیں تماشائی کی طرح

اپنی اگر سنائے سنے دوسروں کی بھی
شنوائی بھی ہو قوتِ گویائی کی طرح

بننا تھا جس نے قوم کا رہبر وہ نوجواں
پیچھے پڑا ہے مال کے سودائی کی طرح

دکھ درد میں ہمیشہ مجھے حوصلہ دیا
میری بہن ہے میرے لئے بھائی کی طرح

کرتے ہیں مجھ سے بات وسیلے سے غیر کے
عزت مجھے ملی بھی تو رسوائی کی طرح

کیسا عجیب لمحہ تھا وہ لمحۂ وصال
نقّارۂ اجل بجا شہنائی کی طرح

ہونے سے اس کے دِکھتے ہیں منظر مجھے لئیق
میرے لئے وہ شخص ہے بینائی کی طرح

یکسانیت سے تنگ ہیں تنہائی کی طرح
دنیا میں جی رہے ہیں تماشائی کی طرح

شاعری : لئیق انصاری 

اے خدا زندگی سہوں کیسے ؟! اک خلا ہے اسے بھروں کیسے ؟

If you want to read more Urdu sad poetry please click

shero shayari urdu | sad ghazal in urdu text | sad poetry in urdu ghazal | emotional sad ghazal in urdu