یہ جو تیرا مرا تعلق ہے | تعلق پر اشعار | ghazal lyrics in urdu

یہ جو تیرا مرا تعلق ہے
سوچ سے ماورا تعلق ہے

کوئی شجرہ نہیں مُحبّت کا
ایک خود ساختہ تعلق ہے

مُنہدم قُربتوں کے ملبے سے
بَن رہا اک نیا تعلق ہے

خُوں کے رشتے سے بھی کہیں بہتر
فکر و احساس کا تعلق ہے

اِتنا بیزار ہے کہ دل اب تو
ہر تعلُّق سے لا تعلق ہے

چاٹ لیتا ہے دل کشی ساری
ہجر اک بدنُما تعلق ہے

جس پہ سب کچھ لُٹا دیا عادل
ایک بے نام سا تعلق ہے

یہ جو تیرا مرا تعلق ہے
سوچ سے ماورا تعلق ہے

شاعری : عادل حسین

ہر طرف ہے وبال وحشت کا | وحشت پر اشعار

سوچا تھا کٹھن وقت میں غمخوار ملیں گے 

اگر آپ مزید اداس شاعری پڑھنا چاہتے ہیں تو یہ لازمی دیکھیں 

If you want to read more Urdu poetry sad please clicck 

romantic urdu ghazal |sms urdu poetry love | best urdu poetry love | 2 line urdu poetry love  |shero shayari urdu