دیکھ کر ناز و ادا تجھ سے محبت کر لی
میں کسی کا نہ رہا تجھ سے محبت کر لی
تیرے کہنے پہ ستارے تو نہیں لایا پر
تیرے کہنے کے سوا تجھ سے محبت کر لی
اہلِ حکمت نے کیے کام منافع والے
میں نے اے جانِ وفا، تجھ سے محبت کر لی
سارے ناکارہ ہوئے تیری محبت میں مگر
جب میں ناکارہ ہوا تجھ سے محبت کر لی
اب چناؤ بھی نہیں سہل رہا تیرے لئے
ہر کسی نے یہ کہا تجھ سے محبت کر لی
دیکھ کر ناز و ادا تجھ سے محبت کر لی
میں کسی کا نہ رہا تجھ سے محبت کر لی
