اُتارتا ہوں ڈائری پر اک خیال کی تھکن | تھکن پر اشعار | urdu poetry sad 2 lines
sad poetry sms in urdu | sad poetry urdu | urdu poetry sad 2 lines
اُتارتا ہوں ڈائری پر اک خیال کی تھکن
کِسی کے ساتھ کے عروج اور زوال کی تھکن
جو ایک جھوٹے دستخط پہ سینکڑوں کماتا ہے
کہاں سمجھ سکے گا وہ بھلا حلال کی تھکن
کہیں سے مُجھ کو میری ماں کی گود لا کے دیجیے
اُتارنی ہے مجھ کو اپنے بیس سال کی تھکن
حواس میرے لے گئی ہیں تیری بے یقینیاں
دماغ پر سوار ہے ترے سوال کی تھکن
اتارتا ہوں آج بھی سٹیشنوں پہ بیٹھ کر
کسی کے ساتھ آخری اداس کال کی تھکن
تُو آج میرے پاس ہے مگر وہی ہے فاصلہ
ترے جنوں سے کم نہیں ترے وصال کی تھکن
نہ جانے کتنی خوشبوؤں کا بوجھ اس کے سر پہ ہے
بس ایک مالی جانتا ہے دیکھ بھال کی تھکن
کبھی تو اپنے فیصلوں کا دکھ سمجھ میں آئے گا
کبھی تو والدین پر کھلے گی لعل کی تھکن
اُتارتا ہوں ڈائری پر اک خیال کی تھکن
کِسی کے ساتھ کے عروج اور زوال کی تھکن
شاعری:عرفان منظور بھٹہ
اگر آپ مزید اداس شاعری پڑھنا چاہتے ہیں تو یہ لازمی دیکھیں
If you want to read more sad poetry in Urdu please check
urdu poetry sad 2 lines | sad poetry sms in urdu | sad poetry urdu | urdu poetry sad 2 lines
عرفان منظور بھٹہ
