سخن کا آغاز کر رہا ہوں حضورِ والا بہ اِسم اللہ | حمدیہ اشعار | hamd poetry 2 lines
poetry about hamd in urdu | hamd bari tala poetry | apoetry for hamd in urdu
سخن کا آغاز کر رہا ہوں حضورِ والا بہ اِسم اللہ
تمام لفظوں میں ہورہا ہے عجب اجالا بہ اِسم اللہ
بروزِ محشر اسی کے چہرے پہ ہوگا ایمان کا تبسم
لیا ہے رزقِ حلال کا جس نے بھی نِوالہ بہ اِسم اللہ
تبھی تو کشتی لگی کنارے نبیؑ، صحابیؓ ، ولی پکارے
پئیں گے مشکل گھڑی میں صبر و رضا کا پیالہ بہ اِسم اللہ
حسینؓ تجھ پر، یہ جیت کیونکر، نہ اپنا دل ہارتی سراسر،
عَلَم جو کربل میں تونے توحید کا سنبھالہ بہ اِسم اللہ
پڑا جب اہلِ یقیں سے پالا نظارا چشمِ فلک نے دیکھا
عَدو کا سارا طِلِسم پل بھر میں توڑ ڈالا بہ اِسم اللہ
خدا کے جتنے پیامبرؑ ہیں سبھی کا ہوں جان و دل سے قائل
تمام نبیوںؑ کے نام والی جُڑی ہے مالا بہ اِسم اللہ
یہ جب بھی اہلِ سخن نےچاہا خدا کی تعریف کرلی جائے
ہوا ہے صائم سخنوروں کا ہی بول بالا بہ اِسم اللہ
سخن کا آغاز کر رہا ہوں حضورِ والا بہ اِسم اللہ
تمام لفظوں میں ہورہا ہے عجب اجالا بہ اِسم اللہ
شاعری : ملک مبشر صائم علوی
ہوا ہے صائم سخنوروں کا ہی بول بالا بہ اِسم اللہ
اگر آپ مزیدمناجات، حمدیہ اشعار یا نعت شریف پڑھنا چاہتے ہیں تو یہ لازمی دیکھیں
کون ہے شاہِ جہاں | Hamd Poetry In Urdu 2 Lines
If you want to read more hamd poetry in Urdu please check
poetry about hamd in urdu | hamd bari tala poetry | poetry for hamd in urdu | urdu hamd poetry hamd poetry in urdu 2 lines
