شبِ سیاہ میں کچھ اِس لیے عیاں تھے ہم | اردو اداس شاعری | sad poetry in urdu text

شبِ سیاہ میں کچھ اِس لیے عیاں تھے ہم
زمیں پہ پھیلی ہوئی گَردِ کہکشاں تھے ہم

چراغ اور ہَوا میں نہ تھا گُریز کوئی
اک ایسی طرزِ ضیافت کے میزباں تھے ہم

کسی کسی کو سنائی دیے تھے حرف بہ حرف
کسی کسی کے لیے فجر کی اذاں تھے ہم

کچھ اِس لیے بھی حصارِ زمیں سے ہجرت کی
قدم قدم پہ وہاں محوِ امتحاں تھے ہم

ذرا سی دیر کو سوئے تھے کوہساروں میں
کُھلی جو آنکھ تو پھولوں کے درمیاں تھے ہم

کسی پہاڑ کی چوٹی سے کیا نظر آتے
خلا سے دیکھتے کس درجہ بے کراں تھے ہم

تمام کوششیں کیسے نہ رائگاں جاتیں
ہَوائے تُند میں تنکوں کے پاسباں تھے ہم

ہمارے ڈھونڈنے والے عجیب تھے عادل
وہاں وہاں نہیں ڈھونڈا جہاں جہاں تھے ہم

شبِ سیاہ میں کچھ اِس لیے عیاں تھے ہم
زمیں پہ پھیلی ہوئی گَردِ کہکشاں تھے ہم

شاعری : عادل حسین

کسی نے خار ، کسی نے دیے گلاب مجھے

سوچا تھا کٹھن وقت میں غمخوار ملیں گے | مطلبی دوست شاعری 

اگر آپ مزید اداس شاعری پڑھنا چاہتے ہیں تو یہ لازمی دیکھیں 

If you want to read more sad poetry in Urdu please check

heart touching sad poetry in urdu | sad poetry in urdu 2 lines | sad heart touching poetry in urdu