قدرت کے شاہکار! مرے یار، آ کے مل | ملاقات پر اشعار | urdu ghazal

قدرت کے شاہکار! مرے یار، آ کے مل
تیرا ہے انتظار مرے یار، آ کے مل

میرا تو آج تک نہ طلبگار تھا کوئی
کس کی ہے یہ پکار؟ مرے یار! آ کے مل

بارش ہے تھم چکی، مرا گھر بھی قریب ہے
موسم ہے خوشگوار، مرے یار، آ کے مل

میں دوستوں سے بول چکا ہوں، تُو آئے گا
اب کر نہ شرم سار، مرے یار، آ کے مل

میرا کسی سے ملنے کا دل تو نہیں، مگر
تجھ کو ہے اختیار، مرے یار، آ کے مل

ویسے بھی جان جانی ہے، پر چاہتا ہوں میں
تجھ پر کروں نثار، مرے یار، آ کے مل

دل میں اُترنے والے، کبھی گھر مرے اُتر
اے ذہن پر سوار، مرے یار، آ کے مل

دل بیٹھتا ہی جاتا ہے غم سے، ثمرؔ جمال
اے میرے غم گسار، مرے یار، آ کے مل

قدرت کے شاہکار! مرے یار، آ کے مل
تیرا ہے انتظار مرے یار، آ کے مل

شاعری : ثمر جمال

اگر آپ مزید غزلیہ شاعری پڑھنا چاہتے ہیں تو یہ لازمی دیکھیں 

best urdu ghazal | urdu ghazal love | poetry in urdu ghazal | urdu ghazal in urdu | urdu ghazal in urdu text | heart touching urdu ghazal | romantic urdu ghazal