کٹھن منزل پہ یاروں سے جفا کرنا نہیں آتا
جو کرتے ہیں جفا ان سے وفا کرنا نہیں آتا
وفاداری میں مخلص جو برے حالات میں بھی ہو
مجھے ان کی وفاؤں پر گلہ کرنا نہیں آتا
بچھڑنا ہو جسے ان کے لئے رستہ کشادہ ہے
مجھے خوش دل بشر کو تو خفا کرنا نہیں آتا
صف اول میں ہوتا ہوں محبت بانٹنے کو میں
کسی کے درمیاں آتش بپا کرنا نہیں آتا
محبت میں سدا جو چاہتے ہوں ایک دوجے کو
دلوں کو ایک دوجے سے جدا کرنا نہیں آتا
ادا کرتے ہیں جو کردار بھی دو رنگ میں چھپ کر
مجھے کردار تو ایسا ادا کرنا نہیں آتا
چھپائے غم سبھی محمود نے اک مسکراہٹ میں
شکستہ ہوں کسی کو بھی خفا کرنا نہیں آتا
کٹھن منزل پہ یاروں سے جفا کرنا نہیں آتا
جو کرتے ہیں جفا ان سے وفا کرنا نہیں آتا
اک دن تو رفاقت میں بچھڑنا ہی پڑے گا | بچھڑے دوستوں پر اشعار
بدلے ہیں رفتہ رفتہ مرے یار کس لیے ؟ دوستی شاعری
If you want to read more poetry about friends please check
best friend poetry in urdu sms | best friend poetry in urdu sms | ghazal on friendship in urdu
