لفظ ساتھ دیں اگر تو زندگی ہے شاعری
غم کی رات میں افق کی روشنی ہے شاعری
نعت جب لکھوں یہ راز مجھ پہ آشکار ہو
روح و جاں کے واسطے تازگی ہے شاعری
ہو نبی کے ذکر سے آراستہ تو گلستاں
رب کے ذکر سے ہو تر تو بندگی ہے شاعری
رب کی اک عطا ہے یہ کہ جس نے مجھ کو فن دیا
ورنہ کون مانتا کمال کی ہے شاعری
دل کی اک زبان اور روح کی ترجمان ہے
ہاں خرد کے سامنے تو اجنبی ہے شاعری
شعر تھا کہ ایک بحر کوزے میں سما گیا
ردیف کے کمال بند باندھتی ہے شاعری
لفظ ساتھ دیں اگر تو زندگی ہے شاعری
غم کی رات میں افق کی روشنی ہے شاعری
شاعری : سلیم اللہ صفدر
رائیگانی کا دکھ سمجھتے ہو ؟ دکھ پر اداس شاعری
Urdu beautiful poetry | Urdu poetry heart touching | sharo shayri in urdu
