حرم کے مسافر بنے ہو اے حاجی | حج پر اشعار | hajj poetry in urdu text

حرم کے مسافر بنے ہو اے حاجی
کہ یاد حرم میں سجے ہو اے حاجی
مرا دل ہوا ہے یہ مغموم اب تو
بھلے تم بہت ہی لگے ہو اے حاجی

ہمیں بھی دعاؤں میں تم یاد رکھنا
اٹھانا وہاں ہاتھ تب یاد رکھنا
نظر جب پڑے کعبے پر یاد رکھنا
خدا کے حرم اب چلے ہو اے حاجی

ہمارا سلام محبت سنانا
گزارش ہے نعتیں ہماری سنانا
یوں روتے ہوئے حال امت سنانا
نبی کے حرم بھی چلے ہو اے حاجی

ہمیں تو حرم کی بہت یاد آئی
وہ شام و سحر بھی بہت یاد آئی
حرم کی فضا بھی بہت یاد آئی
گلے سے مجھے جب ملے ہو اے حاجی

حرم میں دعا یہ مرے حق میں کرنا
گزارش ہے میری کہ سستی نہ کرنا
نظر پہلی کعبے کو دیکھو تو کرنا
نصیب اب سفر پھر مجھے ہو اے حاجی

یوں اظہر کو شامل دعاؤں میں رکھنا
حرم میں جو مانگو صداؤں میں رکھنا
وہ پرکیف سب ہی نداؤں میں رکھنا
جدا ہم سے ہونے لگے ہو اے حاجی

حرم کے مسافر بنے ہو اے حاجی
کہ یاد حرم میں سجے ہو اے حاجی
مرا دل ہوا ہے یہ مغموم اب تو
بھلے تم بہت ہی لگے ہو اے حاجی

شاعری: ڈاکٹر محمد اظہر خالد

اگر آپ مزید مناجات، حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں

اگر آپ مزید  حج پر اشعار پڑھنا چاہتے ہیں تو یہ لازمی دیکھیں 

hajj poetry in urdu text | hajj poetry | hajj poetry in Urdu