رب کی توفیق سے آقا کی ثنا ہوتی ہے
اس کی جانب سے ہی پھر نعت عطا ہوتی ہے
نعت لکھتے ہوئے آنسو بھی ہیں بہتے میرے
میرے ہونٹوں پہ سدا رب سے دعا ہوتی ہے
ہم پہ اللہ کا کرم ایک بہت اعلی ہوا
شکر ہے سنت حسان ادا ہوتی ہے
رب تعالی کی عطا ہے یہ مقدس پیشہ
نعت گوئی کی یہ دنیا بھی جدا ہوتی ہے
پیارے آقا کے ہیں اوصاف حمیدہ لکھتے
سامنے آنکھوں کے آقا کی ادا ہوتی ہے
عشق محبوب کے جذبوں میں ہمارے آگے
پیارے اصحاب کی آقا سے وفا ہوتی ہے
رب بھی راضی ہے نبی جن سے ہیں راضی اظہر
رب خفا ، ذات نبی جن سے خفا ہوتی ہے
رب کی توفیق سے آقا کی ثنا ہوتی ہے
اس کی جانب سے ہی پھر نعت عطا ہوتی ہے
ہر اک افق پر ضیائے رحمت کے رنگ چھائے، نبی جب آئے | نعت شریف
Poetry for naat in Urdu | Naat text in Urdu | most beautiful naat in urdu lyrics | Amazing poetry in Urdu
