بدلے ہیں رفتہ رفتہ مرے یار کس لیے ؟ دوستی شاعری

بدلے ہیں رفتہ رفتہ مرے یار کس لیے ؟ آئی مرے نصیب میں یہ ہار کس لئے ؟ کیونکر معاہدے سے زباں پھیر لی گئی ؟ نفرت کے بیچ لایا گیا پیار کس لئے ؟ کتنے ہیں جو خدا کی محبت میں غرق ہیں ؟ کہتے ہیں لوگ مجھ کو گنہگار کس لیے ؟ تم کو تو موت کا بھی کوئی ڈر نہیں تھا ! ہاں ؟ پھر کر رہے ہو جھوٹ کا پرچار کس لئے ؟ دُنیا سے کچھ بھی کام کا ملتا نہیں تو پھر آتے ہیں اس دکاں میں خریدار کس لئے ؟ جِن دوستوں کی مجھ کو کمی عمر بھر رہی اک دم سے ہو گئے ہیں نمودار کس لیے ؟ کُچھ لوگ خاندان کی عزت اچھال کر سر پر اٹھائے پھرتے ہیں دستار ! کس لئے ؟ بدلے ہیں رفتہ رفتہ مرے یار کس لیے ؟ آئی مرے نصیب میں یہ ہار کس لئے ؟   شاعری: عرفان منظور بھٹہ اگر آپ دوست کے متعلق شاعری پڑھنا چاہتے ہیں تو یہ لازمی دیکھیں  اگر تم عیب میرے دنیا والوں سے چھپا لیتے| دوستی شاعری