اشک کیوں آنکھوں سے جاری ہے بتاؤں کیسے
زندگی کیسے گزاری ہے بتاؤں کیسے
تیری یادوں کو جو سینے میں لیۓ پھرتا ہوں
کس قدر بار یہ بھاری ہے بتاؤں کیسے
تیری تصویر کو دل میں ہی سجایا میں نے
دل سے پھر کس نے اتاری ہے بتاؤں کیسے
تجھ پہ جو شخص عنایات کیا کرتا ہے
یہ تو عزت کا شکاری ہے بتاؤں کیسے
خود کو کمیاب مجھے ہارا ہوا کہتا ہے؟
وہ تو دولت کا پجاری ہے بتاؤں کیسے
دوست کہتے ہو کبھی اور کبھی ٹھکراتے ہو
تجھ کو یہ کیسی بیماری ہے بتاؤں کیسے
مرا دل یونہی معطر نہیں دنیا والو!
اس میں پھولوں کی کیاری ہے بتاؤں کیسے
لوگ ہمدرد کے ظاہر پہ نظر رکھتے ہیں
بات جو دل میں ہماری ہے بتاؤں کیسے
اشک کیوں آنکھوں سے جاری ہے بتاؤں کیسے
زندگی کیسے گزاری ہے بتاؤں کیسے
شاعری: ڈاکٹر شاکراللّٰہ ہمدرد
اتنے بڑے جہان میں تنہا رہا ہوں میں | اداس شاعری
اسے رستہ بدلنا تھا بدل کر راستہ خوش ہے | اداس شاعری
اگر آپ مزید اداس شاعری پڑھنا چاہتے ہیں تو یہ لازمی دیکھیں
If you want to read more sad poetry in Urdu please check
attitude shayari in urdu | |attitude poetry in urdu | heart touching sad poetry in urdu
