لبوں پر دشمنی کے تذکرے اچھے نہیں لگتے
سماعت کو یہ کڑوے ذائقے اچھے نہیں لگتے
مری آنکھوں میں ایسے جھلملاتے ہی رہیں آنسو
چراغوں سے یہ خالی طاقچے اچھے نہیں لگتے
انہیں جلتے ہوئے آندھی کے رخ کو موڑ دیتا تھا
ہوا کی زد پہ یوں بجھتے دیئے اچھے نہیں لگتے
کسی کے عہد کی ناپائداری یاد آتی ہے
یہ پانی پر ابھرتے بلبلے اچھے نہیں لگتے
تمہارا حال ہم سے بھی کہیں بدتر نہ ہو جائے
ذرا سوچوا تمہیں یہ قہقہے اچھے نہیں لگتے
ملے ہو اتنی مدت بعد پھر بھی وسوسوں میں ہو
یہ اپنوں سے تو اتنے فاصلے اچھے نہیں لگتے
بکھر کے عکس اپنی ذات کے جن میں نظر آئیں
ہمیں ایسے شکستہ آئنے اچھے نہیں لگتے
ناصرّ کتنا عجب بے حال اپنے دوستوں کا بھی
پرانے مل نہیں سکتے، نئے اچھے نہیں لگتے
لبوں پر دشمنی کے تذکرے اچھے نہیں لگتے
سماعت کو یہ کڑوے ذائقے اچھے نہیں لگتے
شاعری : ناصرسلیم
اتنے بڑے جہان میں تنہا رہا ہوں میں | اداس شاعری
اگر آپ مزید اداس شاعری پڑھنا چاہتے ہیں تو یہ لازمی دیکھیں
If you want to read more sad poetry in Urdu please check
sad poetry urdu | sad poetry urdu 2 line | best sad poetry urdu | sad poetry urdu sms
