جاں فدا ارض ملت پہ کر جائیں ہم | سانحہ 9 مئی پر لکھی گئی نظم | Pakistan army poetry
poetry about pak army in urdu | pak army poetry in urdu text | pakistan army poetry in urdu sms
جاں فدا ارض ملت پہ کر جائیں ہم
تیر دشمن کے بھی سینے پہ کھائیں ہم
وار دیں ہم جوانی چمن کے لیے
فصل گل خوں پسینے سے مہکائیں ہم
غیر تو غیر اپنے بھی دشمن ہوئے
کتنے ویران اپنے نشیمن ہوئے
ہم بجھاتے رہے آگ اطراف کی
نذر آتش ادھر اپنے آنگن ہوئے
سرحدوں کی حفاظت ہمارا بھرم
قوم کی مسکراہٹ ہمارا عزم
ربط ملت میں پوشیدہ ہے زندگی
قوم کا ہر زخم ہے ہمارا زخم
قوم ہے پرسکوں ہم جو بیدار ہیں
اپنے دشمن سے لڑنے کو تیار ہے
راحت جاں ہمیں قوم کے حوصلے
درد پنہاں مگر قوم کے وار ہیں
پیار و الفت ہمارا رہے دوستو
جان و دل کا سہارا رہے دوستو
بیج نفرت کے بونے کا کیا فائدہ
فصل گل کا اشارہ رہے دوستو
جاں فدا ارض ملت پہ کر جائیں ہم
تیر دشمن کے بھی سینے پہ کھائیں ہم
وار دیں ہم جوانی چمن کے لیے
فصل گل خوں پسینے سے مہکائیں ہم
شاعری : سلیم اللہ صفدر
اگر آپ پاکستان کے متعلق مزید شاعری پڑھنا چاہتے ہین تو یہ لازمی دیکھیں
اگر آپ مزید پاک فوج کی بہادری پر اشعار پڑھنا چاہتے ہیں تو یہ لازمی دیکھیں
