شاہد سنگارپورینعت رسول مقبول

یہ ہم سے مت پوچھیے کہ آقا نے کیا دیا ہے | نعت رسول مقبول |naat poetry 2 lines

یہ ہم سے مت پوچھیےکہ آقا نے کیا دیا ہے | نعت رسول مقبول |naat poetry 2 lines

یہ ہم سے مت پوچھیے کہ آقا نے کیا دیا ہے
جو ہم نہیں جانتے تھے وہ سب سکھا دیا ہے

شبِ جہالت کے ہر نشاں کو مٹا دیا ہے
جہاں کو وحدت کے نور سے جگمگا دیا ہے

حضور  نے خود عمل یہ کرکے دکھا دیا ہے
کہ فرق نوعِ بشر کو یکسر مٹا دیا ہے

بھٹک گئے تھے جو، ان کو رب سے ملا دیا ہے
“نبی نے حیواں کو پل میں انساں بنا دیا ہے”

وہی تو ہیں بعدِ رب بزرگی میں در حقیقت
خدا نے ان   کو بہت بڑا مرتبہ دیا ہے

عطائے لطف و کرم کی یہ انتہا تو دیکھو
حضور   کو رب نے رشکِ دنیا بنا دیا ہے

شجر ، حجر ، جانور تلک ان کے متبع تھے
رسول اکرم  کو رب نے وہ معجزہ دیا ہے

ہزار سالوں سے جلتے آتش کدے کو رب نے
نبی کی آمد کے معجزے سے بجھا دیا ہے

حضور نے میرے فتح مکہ کے بعد دیکھیں
معاف کرنے کا سب کو مژدہ سنا دیا ہے

زمیں، زماں کو ہے ان کے سجدوں پہ ناز شاہد
نبی  نے ہر حکم رب پہ سر کو جھکا دیا ہے

یہ ہم سے مت پوچھیے کہ آقا نے کیا دیا ہے
جو ہم نہیں جانتے تھے وہ سب سکھا دیا ہے

شاعری :  شاہد سنگارپوری

ہم نے قران میں آقا کا سراپا دیکھا | نعت شریف اردو | Lyrics Naat Urdu

If you want to read more lyrics of naats please click

naat poetry 2 lines | naat lyrics urdu writing | urdu naat sharif | lyrics of naats | lyrics naat urdu | naat lyrics

Shares:
1 Comment
Leave a Reply

Your email address will not be published. Required fields are marked *