madina poetry urdu

مدینہ حاضری کو رب کی اعلی اک عطا کہیے دعاؤں میں ہمیشہ آپ پیاری یہ دعا کہیے رسول پاک  کے قدموں پہ اپنی زندگی گزرے نبی جی  کی رضا کو آپ اللہ کی رضا کہیے

میرے نصیب سنورنے لگے مدینے میں بچھڑ گئے ہیں سبھی غم،مرے مدینے میں مرے نصیب تو دیکھو،جہان والو تم بلا رہے ہیں نبی خود مجھے مدینے میں

یہ محمد کا جو مدینہ ہے یہ تو اَنمول اک نگینہ ہے اور باتیں فضول باتیں ہیں آپ کی بات ہی خزینہ ہے

آنکھ کی کھاری بوندوں میں اک میٹھا منظر طیبہ کا قبلہ رو منظر میں بیٹھا ہے ، پیغمبر طیبہ کا دیکھوں جس بھی سمت نظارے طیبہ ہی کے سارے ہیں دل والے گھر کی ہر کھڑکی طیبہ کی ، در طیبہ کا

نظر میں میری نبی کا بسا دیار اب تک دوبارہ جاؤں یہی سوچ ہے سوار اب تک نرالا گنبد خضری بسا ہے آنکھوں میں کہ آ رہا ہے بہت مجھ کو اس پہ پیار اب تک

مجھے ہے یاد مدینے کی وہ ہوا اب تک دل و نظر میں بسی ہے وہی فضا اب تک مزے مزے سے وہاں پر کھجور کھاتے تھے نبی  کے شہر کی وہ یاد ہے غذا اب تک نبی  کے شہر میں زم زم بھی خوب پیتے تھے مزہ ملا جو ، نہیں میں بھلا سکا اب تک میں آنکھیں بند…

کس بشر پہ مخفی ہے برتری مدینے کی سارے جگ میں پھیلی ہے روشنی مدینے کی سوچ کیا رہے ہو تم کس لیے رکے ہو تم خلد کو نکلتی ہے ہر گلی مدینے کی

ہے مدینے کا سماں چاروں طرف نور کی ہے کہکشاں چاروں طرف بوسہ ء گنبد کو یہ بے تاب ہے جھک رہا ہے آسماں چاروں طرف یاد آئے پھر بہت حبشی بلال گونجی مسجد جب اذاں چاروں طرف

سرور دیتی ہے جاں کو گھٹا مدینے کی رُکی نہیں ہے کبھی بھی ہوا مدینے کی تمام عمر جہاں سے خفا رہا ہوں میں تمام عمر ہے مانگی دُعا مدینے کی

نظر میں طیبہ کا پیارا نگر سجاتے ہیں عطا خدا نے کیا تھا ، سفر سجاتے ہیں وہ پیارا گنبد خضری نگاہوں میں ہے بسا ہم اس کی یاد سے جان و جگر سجاتے ہیں نبی  کے روضے کی جالی کے سامنے ہے جو تصورات میں پیاری ڈگر سجاتے ہیں نظر میں رہتے ہیں…