ساری دنیا ہی چھان بیٹھے ہیں | تلاش پر اشعار

Sad best Urdu Poetry on search

0 8

ساری دنیا ہی چھان بیٹھے ہیں
تجھ کو پانے کی ٹھان بیٹھے ہیں

توڑ مت دل ہمارا ہم تجھ کو
زندگی اپنی مان بیٹھے ہیں

تونے اپنوں کی جب شناخت کی
تب سے ہم بے نشان بیٹھے ہیں

ہے سلیقہ ریا کا جن کو بھی
کرکے اونچی وہ شان بیٹھے ہیں

وہ جنہوں نے گواہی دینا تھی
ہوکے وہ بے زبان بیٹھے ہیں

جو نہیں آشنا محبت سے
وارکے ان پہ جان بیٹھے ہیں

بیچنے یادیں وہ نکل آیا
ہم لگاکر دکان بیٹھے ہیں

توڑنے کا ہنر جنہیں صغریٰ
وہ بنا کر مکان بیٹھے ہیں

ساری دنیا ہی چھان بیٹھے ہیں
تجھ کو پانے کی ٹھان بیٹھے ہیں

 

شاعری :صغریٰ یامین سحر

اگر آپ مزید اداس شاعری پڑھنا چاہتے ہیں تو یہ لازمی دیکھیں 

تو اگر کہہ دے تو اتنی سی جسارت کردوں | اردو غزلیہ شاعری

جواب چھوڑیں

آپ کا ای میل ایڈریس شائع نہیں کیا جائے گا.