فنا کا گھر ہے یہ دنیا مکاں نہیں میرا
سدا کوئی بھی ٹھکانہ یہاں نہیں میرا
پرایا گھر ہے اسے چھوڑ کر تو جانا ہے
ہمیشہ رہنے کی خاطر جہاں نہیں میرا
کبھی کبھی تو یہاں پر مجھے یہ لگتا ہے
” دیار غیر میں ہوں ہم زباں نہیں میرا ”
کبھی کبھی میں خزاں میں اجڑ سا جاتا ہوں
تسلی دل کے لئے گلستاں نہیں میرا
خدایا میری کسمپرسی پر تو کر دے کرم
سوائے تیرے کوئی مہرباں نہیں میرا
خدایا تیرے خزانوں پہ ہے نظر میری
زمیں نہیں ہے مری آسماں نہیں میرا
یہ اپنے دل کو میں اظہر بتا رہا ہوں بات
سدا چمکنے کو نام و نشاں نہیں میرا
فنا کا گھر ہے یہ دنیا مکاں نہیں میرا
سدا کوئی بھی ٹھکانہ یہاں نہیں میرا
دھوکے کا گھر ہے مچھر کا پر ہے دنیا تو یارو اک رہگزر ہے| دنیا کی بے ثباتی پر اشعار
لگی ہے دوڑ یہ دھوکے کا گھر بنانے کی | فکر آخرت پر کلام
اگر آپ مزید فکر آخرت پر کلام پڑھنا چاہتے ہیں تو یہ لازمی دیکھیں
