نظر میں میری نبی کا بسا دیار اب تک |اردو نعت شریف | Madina poetry in urdu

نظر میں میری نبی کا بسا دیار اب تک
دوبارہ جاؤں یہی سوچ ہے سوار اب تک

نرالا گنبد خضری بسا ہے آنکھوں میں
کہ آ رہا ہے بہت مجھ کو اس پہ پیار اب تک

نبی  کے شہر کی گلیوں میں جو ملا مجھ کو
مرے دماغ پہ طاری ہے وہ خمار اب تک

رسول پاک  سے فرقت بہت ہی مشکل ہے
کہ میرے دل پہ ہے حاوی بہت یہ بار اب تک

اگرچہ دور ہے طیبہ مگر تسلی ہے
خدا کے فضل سے دل کی جڑی ہے تار اب تک

رسول پاک  کے روضے میں ساتھ سوئے ہیں
بھلا سکا نہیں دونوں بھلے وہ یار اب تک

خدا کا شکر میں اظہر سدا ادا کرتا
مرے قلم سے کئی آئے شاہکار اب تک

نظر میں میری نبی کا بسا دیار اب تک
دوبارہ جاؤں یہی سوچ ہے سوار اب تک

شاعری : ڈاکٹر محمد اظہر خالد

بن کے آئے اس جہاں رہبر ، امام الانبیاء | نعت شریف

If you want ot read more naat lyrics in Urdu please click

naat poetry in Urdu text | naat poetry in Urdu two lines |2 line poetry for naat in Urdu text | naat lyrics in Urdu writing | naat poetry in Urdu two lines text | madina love poetry in urdu