محبتوں کا حسیں زمانہ ضرور آئے گا دیکھ لینا |اردو انقلابی شاعری

محبتوں کا حسیں زمانہ ضرور آئے گا دیکھ لینا
وفا کا پرچم لئے دیوانہ ضرور آئے گا دیکھ لینا

سمیٹ کر اپنے سارے جذبوں کو چپ ہوں لیکن مجھے یقیں ہے
کتاب جگ میں میرا فسانہ ضرور آئے گا دیکھ لینا

گھٹن زدہ اس معاشرے سے کوئی نکل کر زباں پہ اپنے
سجاکے اشعار عارفانہ ضرور آئے گا دیکھ لینا

ستمگروں سے ستم زدوں کو نجات دینے کی آرزو میں
کوئی مسلمان غائبانہ ضرور آئے گا دیکھ لینا

تمہاری ان سختیوں کی رد میں تمہارے آگے کوئی مجاااہد
عدوئے اسلام کو بتانا ضرور آئے گا دیکھ لینا

جفاکے اس دورمیں بھی ہدہد زباں پہ حق کی صدا کو لیکر
کوئی ادائے قلندرانہ ضرور آئے گا دیکھ لینا

محبتوں کا حسیں زمانہ ضرور آئے گا دیکھ لینا
وفا کا پرچم لئے دیوانہ ضرور آئے گا دیکھ لینا

شاعری: ہدہد الہ آبادی

اگر آپ مزید مناجات، حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں

میرے دل کی طلب رب کا ہوجاؤں میں|رب کی محبت میں اشعار