محبت کی ہے سب سے پہلی نشانی کھجوروں کی بستی | مدینہ پر اشعار

مکہ سے مدینہ کی طرف سفر کے دوران لکھی گئی نعت شریف | Madina pak poetry | madina shayari urdu

1 60

کھجوروں کی بستی  والی سب سے پہلی نشانی ڈھونڈنے کے لیے صحراوں اور کالے پتھروں والی زمینوں کے درمیان گرتے پڑتے اور دوبارہ اٹھتے سلیمان فارسی رضی اللہ عنہ کے جذبات کو محسوس کرتے ہوئے لکھی گئی نعت….. جب میں نے اپنی والدہ محترمہ کے ساتھ عمرہ کے دوران مکہ مکرمہ سے مدینہ منورہ جانے وقت تپتے صحرا میں پہلی مرتبہ کھجوروں کے باغ دیکھے. اس وقت واقعتاً دل کی یہی کیفیت تھی کہ صحرا کے درمیان یہ کھجوروں کی بستی ہی میری زندگانی ہے اور اس کی خوبصورتی اور دلکشی کے آگے قیصر کے تخت اور کسری کے وائٹ ہاؤس کوئی حیثیت نہیں رکھتے.)

محبت کی ہے سب سے پہلی نشانی کھجوروں کی بستی
میری زندگانی میری زندگانی کھجوروں کی بستی

ختم کر دیں اس نے وہ اوس اور خزرج کے خونریز راتیں
بشکل ِنمود ِصبح ِذوفشانی کھجوروں کی بستی

جو صدیوں تلک اہل دنیا کے خوں کی پیاسی رہی ہے
ہر اک دشت کو اب وہ دیتی ہے پانی کھجوروں کی بستی

ہر اک اہل ہجرت کو جس نے ہمیشہ ہی انصار بخشے
اخوت اور ایثار کی ہے کہانی کھجوروں کی بستی

اسی کے دفاع کے لئے شکمِ آقا پہ پتھر بندھے تھے
اسی پر ہی خندق کی ہے سب کہانی کھجوروں کی بستی

بس اک نظر سے ہی حسیں تر ہوئے سب کھجوروں کے چھپر
بس اک نور سے ہو گئی یہ سہانی کھجوروں کی بستی

اسی کے تو لشکر تھے جو چار سو علم و عرفان لائے
یہی کر گئی میری دنیا سہانی کھجوروں کی بستی

وہ کسری کے تخت اور قیصر کے دیوان سب راکھ ٹھہرے
مگر پا گئی رنگت ِجاودانی کھجوروں کی بستی

سکوں پاتے ہیں سب یہاں سے وہ اونچے محلات والے
ہر اک دل پہ کرتی ہے یہ حکمرانی کھجوروں کی بستی

شاعری : سلیم اللہ صفدر

اگر آپ مزید مناجات، حمدیہ اشعار، نعت شریف یا  شان صحابہ پر کلام پڑھنا چاہتے ہیں تو یہ لازمی دیکھیں

ٰIf you want to read naat poetry in Urdu please visit

Urdu poetry 2 lines| Urdu poetry madina | urdu poetry on madina | madina poetry in urdu text | Urdu poetry Islamic | Madina pak poetry | madina poetry urdu | madina poetry in urdu | madina shayari urdu

1 تبصرہ
  1. sklep internetowy کہتے ہیں

    I see You’re in point of fact a good webmaster. The
    web site loading velocity is incredible. It sort of feels
    that you’re doing any distinctive trick. Furthermore, the contents are masterwork.
    you have done a wonderful task in this subject! Similar here: e-commerce and also here: Najlepszy sklep

جواب چھوڑیں

آپ کا ای میل ایڈریس شائع نہیں کیا جائے گا.