دوڑ کر آؤں گا مجھ کو تُو اگر آواز دے | آواز پر شاعری
Best Urdu ghazal on voice
دوڑ کر آؤں گا مجھ کو تُو اگر آواز دے
میرے ہمدم میرے ساتھی چارہ گر آواز دے
منزلوں کی چاہ ایسی ہو کہ بس چلتے رہیں
حوصلے اتنے قوی ہوں کے سفر آواز دے
موت کی دہلیز سے واپس پلٹ سکتا ہوں میں
ایک بار اپنا سمجھ کر تُو اگر آواز دے
ہر طرف جب ہو کا عالم ہو اندھیری رات میں
ایسے عالم میں بھلا بندہ کدھر آواز دے ۔۔؟؟
میں تو سننے کیلئے تیار رہتا ہوں سدا
مسئلہ یہ ہے مجھے کوئی بشر آواز دے
چل رہے ہیں آج ٹی وی پر پرانے گیت بھی
اور چُھٹی بھی ہے دونوں کو جگر آواز دے
دوڑ کر آؤں گا مجھ کو تُو اگر آواز دے
میرے ہمدم میرے ساتھی چارہ گر آواز دے
شاعری:عرفان منظور بھٹہ
