درد دل کی دوا والدہ ماجدہ۔۔۔ ہے سراپا وفا والدہ ماجدہ | ماں پر شاعری | mother urdu poetry
Urdu poetry on mother | Urdu poetry for mother day | poetry for mother in urdu
درد دل کی دوا والدہ ماجدہ
ہے سراپا وفا والدہ ماجدہ
جس کی عظمت پہ شاہد ہے قرآن بھی
اور سرکار عالم کا فرمان بھی
ان کو اف تک بھی کہنا گناہ ہے بڑا
ان کی خدمت سے ملتی ہے رب کی رضا
وہ ہے سب سے جدا والدہ ماجدہ
جس کے قدموں میں جنت بچھائی گئی
راحت زندگی جس میں پائی گئی
ماں کی خدمت دل و جاں سے کرنا سدا
ان سے لیتے رہو ہر قدم پر دعا
ہو کبھی نہ خفا والدہ ماجدہ
درد دل کی دوا والدہ ماجدہ
ہے سراپا وفا والدہ ماجدہ
بھوکی رہ کر وہ خود، پر کھلاتی مجھے
سردی گرمی سے ہردم بچاتی مجھے
میں جو روتا تو ہنس کر مناتی مجھے
رات بھر جاگ کر وہ سلاتی مجھے
مجھ پہ تھی وہ فدا والدہ ماجدہ
ہر قدم جس نے چلنا سکھایا مجھے
درس وحدت ہمیشہ پڑھایا مجھے
اپنی آغوش میں جس نے پالا مجھے
راستہ دین حق کا دکھایا مجھے
وہ ہے فضل خدا والدہ ماجدہ
راحت قلب و جاں رحمت کبریا
تند و تاریک شب میں ہے روشن دیا
وہ ہے راضی تو سجاد راضی خدا
چھومتی عرش کو ان کی ہراک دعا
زندگی کی فضا والدہ ماجدہ
درد دل کی دوا والدہ ماجدہ
ہے سراپا وفا والدہ ماجدہ
شاعری: حافظ سجاد احمد
اگر آپ ماں کی شان میں مزید نظم پڑھنا چاہتے ہیں تو یہ لازمی دیکھیں
بچے مسکرائیں تو مائیں مسکراتی ہیں |ماں کی شان میں کلام
If you want to read more poetry about mother in urdu please check
poetry for mother in urdu | urdu poetry for mother | mother urdu poetry | poetry about mother in urdu
