یہ دینی مدارس ہیں پاکیزہ گھر | مدارس پر اشعار | اسلامی شاعری

یہ دینی مدارس ہیں پاکیزہ گھر
یہ قرآں کے حافظ مجسم اجر
کرے جن کی خاطر دعا ہر بشر
کریں جن کے ماں باپ ان پہ فخر

ملیں نیکیاں ایک اک حرف پر
پڑھیں جب بھی قرآن کے زیر و زبر
یہ پاتے ہیں جنت کی اک رہگزر
فرشتے بچھاتے ہیں قدموں میں پر

وضو کر کے دھل جاتا ہے ہر گناہ
پکڑتے ہیں شیطاں سے رب کی پناہ
رہے صاف دل اور نہ بھٹکے نگاہ
یہ کرتے ہیں جب سوئے مسجد سفر

یہ اجلے لباس اور چہروں پہ نور
فرشتے ہوں پاس اور شیطان دور
میرے رب کی رحمت ہو ان پہ ضرور
ملے نیکیوں کا انہیں یہ ثمر

یہ ترغیب دیں نیکیوں کی ہمیں
یہ روکیں برائی سے، خود بھی بچیں
جوانی یہ اسلام پہ وار دیں
تو عزت اور عظمت ملے خوب تر

نہیں کم کسی سے یہ طلباء دیں
ہر اک علم و فن میں ملے آفریں
جو رکھتے ہیں بس اپنے رب پر یقیں
انہی کے لیے ہے ہی تو ہے ہر ظفر

یہ عالم یہ قرآں کے حافظ سبھی
انہی سے تو ہے علم کی روشنی
ہیں نبیوں کے وارث اے صفدر یہی
کرو جان و دل سے تم ان کی قدر

یہ دینی مدارس ہیں پاکیزہ گھر
یہ قرآں کے حافظ مجسم اجر
کرے جن کی خاطر دعا ہر بشر
کریں جن کے ماں باپ ان پہ فخر

شاعری :سلیم اللہ صفدر 

اگر آپ مزید اردو اسلامی شاعری پڑھنا چاہتے ہیں تو یہ لازمی دیکھیں

مدارس شریعت کی پہچان ہیں مساجد سکونِ دل و جان ہیں | دینی مدارس پر اشعار

Islamic poetry urdu text | urdu poetry Islamic |  urdu poetry islamic  |  urdu poetry islamic |  Urdu poetry about Islam